"Dit jaor is ´t momint daan eindelik aongebrooke!"

Informatie

´t Gespuys Kommitee is al 38 jaor veurbereiinge aon ´t treffe um in ´t lètste weekend vaan augustus e samekoume te organisere boe Mestreech nao snak. De Bamboecheurs zien daan ouch zier gruuts te kinne annoncere tot heur mies foute delegatie,‘t Gespuys Kommitee, aonstaonde zaoterdag 29 augustus ´t Mestreechter Kampioensjap Midgetgolf organiseert onder de naom "‘t Preutelemint", e samekoume boe edere mins ziech volledig zelf kin zien.

´r vinde twie Kampioensjappe plaots bij Monte Nova (St. Pietersberg), d´n ierste is veur femilies en kinder (vaan 11.00 oor tot 15.00 oor; zoonder thema) en denao veur groete luij (vaan 16.00 oor tot 22.00 oor; mèt thema). Alle teams weure op tied ingedeild.

Femilie-Kampioensjap: me start eder 10 minute mèt 2 teams same. Eder team besteit oet minimaal 2 en maximaal 3 persoene.

Groete Luij- Kampioensjap: me start eder 5 minute mèt 2 teams same. Eder team besteit oet 2 persoene. De deilnummers vaan ´t groete luij kampioensjap weure gevraogd um in eur mies "on-ordenteleke" tenue acte de presence te geve. Met aander wäörd, eur "sjiekste" camping-outfit: slippers, witte sportkouse, singlet, get goud um de nek, e tiegerprintsje....Laot uuch gans goon!

Deilnumme kos mer 15 Euro per team, en de ervaring is onbetaolbaar.

Veur mie informatie, sponsoring of samenwèrking kint geer e digitale sjrieve sjikke naor preutelemint@hotmail.com

Veer zien us aonstaonde zaoterdag 29 augustus op de berg!

Kompleminte,

B.A.D. Jakker
Opper-crappuul vaan ´t Gespuys Kommitee

't 11e Echelon
Brandsøn
Café Van Bommel
Fysiotherapie Rosier
Hout video
Hulpmiddelwereld.nl
Kerckhoffs Advocaten
La Barraca
MIDDAG
Mojeo
Ontwerpstudio Maastricht
PLUS Van Wijnbergen
Pooters Makelaardij
Printwarehouse
RTZN Makelaardij
Sport Atelier
VL Medics